जांभळाचं सरबत
साहित्य : अर्धा किलो जांभूळ, 250 ग्रॅम साखर, चिमूटभर सायट्रिक अ‍ॅसिड, अर्धा टेबलस्पून सोडियम बेन्झोएट.
कृती : पाव लीटर पाण्यामध्ये जांभूळ घालून 10 मिनिटं उकळा. थंड झाल्यावर जांभळातून बी काढून टाका. जांभळाचा गर मिक्सरमधून बारीक वाटून घ्या. नंतर गाळून घ्या. एका जाड बुडाच्या पातेल्यामध्ये साखर आणि साखर बुडेपर्यंत पाणी घालून मध्यम आचेवर गरम करत ठेवा. पाण्याला उकळी आल्यावर त्यात सायट्रिक अ‍ॅसिड घाला. पाण्यावर आलेली मळी काढून टाका.
या मिश्रणाचा दोन तारी पाक तयार करा. पाक तयार झाल्यावर थंड होऊ द्या. नंतर त्यात जांभळाचा रस आणि हवं असल्यास खाण्याचा जांभळा रंग घाला. हा रस कापडाने गाळून, त्यात सोडियम बेन्झोएट घाला. मिश्रण व्यवस्थित एकत्र करून काचेच्या बाटलीमध्ये भरून ठेवा.
सफरचंदाचं सरबत
साहित्य : अर्धा किलो सफरचंद, अर्धा किलो साखर.
कृती : सफरचंदाची सालं तासून, त्याचे लहान लहान तुकडे करून घ्या. 200 मिलिलीटर पाण्यामध्ये हे तुकडे घालून मिक्सरमधून बारीक वाटून घ्या. हे मिश्रण मलमलच्या कापडातून गाळून घ्या. सफरचंदाच्या रसामध्ये साखर घालून, साखरेचा एक तारी पाक तयार करून घ्या. हे मिश्रण पुन्हा एकदा गाळून, हवाबंद बाटलीमध्ये भरून ठेवा. हे सरबत 10 ते 15 दिवस चांगलं टिकतं. दररोज त्याचं थोडं थोडं सेवन करता येईल.
लाभ
हृदयाला बळ देतं, हृदयविकार दूर ठेवतं.
शरीर पुष्ट आणि सुडौल बनवतं. अशक्तपणा, थकवा दूर करून मनात उत्साह भरतं.
अतिसार व उलटी होत असल्यास लगेच आराम देतं.
पित्त दोषांवर लाभदायक आहे.
लहान मुलं, तरुण, स्त्री-पुरुष, आजी- आजोबा अशा प्रकारे प्रत्येक वयोगटातील व्यक्ती वर्षभरात कधीही या सरबताचं सेवन करू शकतात.
