सरसो का साग साहित्यः 1 जुडी सरसोका साग (मोहरीची पाने), प्रत्येकी अर्धी जुडी पालक, बथुआ (करडई), 3 लसणाच्या पाकळ्या, 1 इंच आल्याचा तुकडा, 2 हिरव्या मिरच्या, मीठ चवीनुसार, चिमूटभर साखर, अर्धा टीस्पून जिरे, 2 टेबलस्पून तूप, चिमूटभर हिंग, 2 बारीक चिरलेले कांदे, तमालपत्र. कृतीः एका पॅनमध्ये सरसो, पालक व बथुआ उकडून घ्या. थंड झाल्यावर वाटून घ्या. आलं, लसूण व हिरवी मिरची बारीक चिरून घ्या. एका कढईत तूप गरम करून तमालपत्र व जिरे टाका. हिंग व कांदा टाकून खरपूस परतून घ्या. मीठ टाका. सागची पेस्ट टाकून मध्यम आचेवर 10 -15 मिनिटे शिजवा.
कांदा-बटाटा-मेथी
साहित्य: 100 ग्रॅम उकडलेले बटाटे, 50 ग्रॅम बारीक चिरलेली मेथी, 100 ग्रॅम बारीक चिरलेले कांदे, 10 ग्रॅम लसूण, चिमूटभर राई, चिमूटभर जिरे, 2 टेबलस्पून तेल, अर्धा टीस्पून लाल मिरची, अर्धा टीस्पून हळद, अर्धा टीस्पून साजूक तूप, अर्धा टीस्पून आमचूर पावडर, 1 टीस्पून धणे पूड, मीठ चवीनुसार.
कृती: कढईत तेल गरम करून राई व जिर्याची फोडणी द्या. मेथी, कांदा व बटाटे परतून घ्या. यात हळद, लाल मिरची पूड, साजूक तूप, आमचूर व धणे पूड टाका. चवीनुसार मीठ घालून शिजवा.
Link Copied
