टीम इंडियाचा कर्णधार रोहित शर्माच्या (Rohit sharma) चाहत्यांसाठी एक आनंदाची बातमी आहे. भारताचा कर्णधार रोहित शर्मा दुसऱ्यांदा बाबा झाला आहे. रिपोर्ट्सनुसार, रोहितची पत्नी रितिका (Ritika sharma) हिने मुलाला जन्म दिला आहे. मुलगी समायरा नंतर रोहित आता एका मुलाचा पिताही झाला आहे. रिपोर्ट्सनुसार, रोहितची पत्नी रितिका हिने शुक्रवारी, १५ नोव्हेंबर रोजी मुंबईत मुलाला जन्म दिला. या बातमीने रोहित आणि रितिका व्यतिरिक्त त्यांचे कुटुंब आणि त्यांचे सर्व चाहत्यांनी आनंद व्यक्त करत रोहितचे अभिनंदन केले. या आनंदाच्या बातमीने टीम इंडियाच्या चाहत्यांनाही आनंद झाला आहे.
रोहित शर्मा आणि रितिका सजदेह यांनी ते पुन्हा पालक होणार आहेत हे कोणालाही कळू दिले नाही, परंतु जेव्हा रोहित ऑस्ट्रेलिया दौऱ्यावर पोहोचला नाही आणि वैयक्तिक कारणे सांगितली तेव्हा हे उघड झाले. मुलाच्या जन्माची वाट पाहत असताना रोहित आपल्या सहकारी खेळाडूंसोबत कसोटी मालिकेसाठी ऑस्ट्रेलियाला रवाना होऊ शकला नाही. पहिल्या कसोटीत तो खेळू शकणार नाही, अशी शक्यता होती. मात्र, आता या सर्व शंका दूर होतील, अशी आशा निर्माण झाली आहे. बॉर्डर-गावस्कर ट्रॉफीचा पहिला कसोटी सामना २२ नोव्हेंबरपासून पर्थमध्ये खेळवला जाणार आहे.
साहजिकच भारतीय क्रिकेट नियामक मंडळ (BCCI) आपल्या कर्णधारावर कोणत्याही प्रकारचा दबाव टाकणार नाही आणि अशा परिस्थितीत रोहित पहिली कसोटी खेळू शकणार नाही. मात्र, बोर्डाने त्याला तत्काळ ऑस्ट्रेलियाला पाठवण्याची तयारी केली असल्याचा दावा काही अहवालांमध्ये करण्यात आला आहे. रोहित तयार होताच त्याला ऑस्ट्रेलियाला पाठवले जाईल. त्यानंतरही पहिली कसोटी खेळण्यासाठी तो मानसिक, शारीरिक आणि सरावाच्या दृष्टीने पूर्णपणे तयार होईल की नाही हे सांगणे कठीण आहे. मात्र, आता तो ६ डिसेंबरपासून सुरू होणाऱ्या दुसऱ्या कसोटीत हजेरी लावू शकतो हे स्पष्ट दिसत आहे.
आणि अखेर ऑस्ट्रेलिया दौऱ्यापूर्वीच भारतीय कर्णधाराच्या घरी आनंदाचे आगमन झाले आहे. अशा परिस्थितीत हिटमॅन लवकरच संघात सामील होण्याची शक्यता आहे. भारतीय कसोटी संघ सध्या ऑस्ट्रेलिया दौऱ्यावर आहे, जिथे ऑस्ट्रेलियाविरुद्ध बॉर्डर-गावस्कर ट्रॉफी मालिकेअंतर्गत 5 सामन्यांच्या कसोटी मालिकेसाठी पोहोचला आहे. पहिला सामना 22 नोव्हेंबरपासून पर्थ येथे होणार आहे.
