चित्रपटांमध्ये जे थरारक आणि धडकी भरवणारे स्टंट्स आपण पाहतो. ते बहुतांश वेळा मुख्य कलाकार स्वत: करत नाहीत. या साहसी स्टंट्ससाठी 'स्टंट डबल्स' किंवा 'बॉडी डबल्स' वापरले जातात. जे कलाकारांप्रमाणेच दिसतात आणि त्यांच्या जागी हे स्टंट करण्याचे धाडस करत असतात. पाहूया काही बॉलिवूड कलाकार आणि त्यांच्या प्रसिद्ध स्टंट डबल्सची माहिती.
१. हृतिक रोशन - मन्सूर अली खान
हृतिक रोशनचे अनेक ॲक्शन सिन प्रसिद्ध आहेत. 'विक्रम वेधा' या चित्रपटामध्ये मन्सूर अली खानने हृतिकच्या स्टंट डबलचे काम केले होते. तो अगदी हृतिकसारखा दिसतो आणि स्टंटमधील त्याचे कौशल्यही खूप चांगले आहे.
२. सलमान खान - परवेज काझी आणि जावेद एल बर्नी
'सुलतान' चित्रपटात सलमान खानच्या काही कुस्ती आणि ॲक्शन सीनसाठी परवेज काझीने स्टंट डबल म्हणून काम केले होते. तो सलमान खानचा बराच काळ स्टंट डबल राहिला आहे. तर
जावेद एल बर्नी याने देखील सलमानसाठी 'एक था टायगर' आणि इतर अनेक ॲक्शन चित्रपटात स्टंट डबल म्हणून उत्तम काम केले आहे.
३. परिणीती चोप्रा - गीता टंडन
गीता टंडन ही प्रसिद्ध महिला स्टंट आर्टिस्ट असून, तिने हसी तो फसी मध्ये परिणीती चोप्रासाठी स्टंट डबल म्हणून काम केले. तसेच तिने दीपिका पदुकोण, आलिया भट्ट आणि इतर अनेक अभिनेत्रींकरिताही स्टंट डबलचे काम केले आहे.
४. शाहरुख खान - प्रशांत वाल्डे आणि हसित सावनी
प्रशांत वाल्डे हा शाहरुख खानचा बॉडी डबल आहे. त्याने शाहरुखच्या अनेक चित्रपटांमध्ये त्याच्या जागी स्टंट डबलचे काम केले आहे.
त्याचबरोबर शाहरुख खानच्या 'ब्रह्मास्त्र' चित्रपटात काही ॲक्शन सीनसाठी हसित सावनीने स्टंट डबलचे काम केले होते. हसित हा एक प्रशिक्षित स्टंट परफॉर्मर आहे. त्याने हॉलिवूडमध्येही अनेक चित्रपटांमध्ये काम केले आहे.
