बॉलिवूड निर्माता आणि अभिनेता अनुराग कश्यपची मुलगी आलिया कश्यपच्या लग्नाच्या विधींना सुरुवात झाली आहे. अनुराग कश्यपने त्याची मुलगी आलियाच्या हळदी समारंभाचे फोटो सोशल मीडियावर शेअर केले आहेत.
अनुराग कश्यपची मुलगी आलिया कश्यप तिचा बॉयफ्रेंड शेन ग्रेगोयरसोबत लग्नगाठ बांधणार आहे. आलिया कश्यपच्या लग्नाच्या प्री-वेडिंग उत्सवाला सुरुवात झाली आहे.
आलियाचा हळदी समारंभ ८ डिसेंबरला होता. अनुराग कश्यपने आपल्या मुलीच्या हळदी सोहळ्याचे फोटो सोशल मीडियावर शेअर केले आहेत.
शेअर केलेल्या फोटोमध्ये वधू-वरांना हळद लावली जाते. त्यांच्यावर फुलांचा वर्षाव होत आहे. जवळच तिचे मित्र बसलेले आहेत .
या फोटोमध्ये आलिया पिवळ्या रंगाच्या सुंदर आउटफिटमध्ये खूपच क्यूट दिसत आहे. तर शेनने पांढऱ्या रंगाचे धोतर घातले होते.
या फोटोंमध्ये खुशी कपूरही दिसत आहे. पिवळा हॉल्टर-नेक लेहेंगा, ब्लश-टोन्ड मेकअप, बिंदी आणि सुंदर हेअरस्टाईलमध्ये खुशी खूप गोंडस दिसते.
हे फोटो शेअर करताना अनुरागने कॅप्शनमध्ये लाल रंगाचा हार्ट इमोजी बनवला आहे. हे फोटो सोशल मीडियावर व्हायरल होत आहेत.
आलिया कश्यप आणि शेन ग्रेगोयर यांचा हळदी समारंभ आज पार पडला आणि हे जोडपे 11 डिसेंबर रोजी त्यांच्या आयुष्यात नवीन सुरुवात करणार आहे.
आलिया कश्यप आणि शेन बर्याच काळापासून रिलेशनशिपमध्ये होते, लॉकडाऊन दरम्यान दोघांनी एकमेकांना डेट करायला सुरुवात केली होती. 2023 मध्ये दोघांची एंगेजमेंट झाली आणि आता 11 डिसेंबरला दोघेही सात फेरे घेणार आहेत.
