एक दशकापूर्वी एक विलक्षण एलियन पृथ्वीवर उतरला होता. पृथ्वी जिंकण्यासाठी नाही, तर आपला हलवलेला रिमोट कंट्रोल शोधण्यासाठी. त्यानंतर जो काही गोंधळ होतो, तो अद्भुत होता. पण, तो विचारांना चालना देणारा प्रवास होता ज्यात सामाजिक रूढी, प्रथा, समज यांविषयी प्रश्न उपस्थित करण्यात आले होते. या चित्रपटाने सोनी मॅक्सच्या माध्यमातून टेलिव्हिजनवर एंट्री केली होती, त्याला १० वर्षे होत आहेत. या अत्यंत लोकप्रिय झालेल्या चित्रपटाचे दशक साजरे करण्यासाठी ही वाहिनी १९ डिसेंबर रोजी रात्री ८ वाजता ‘पीके’चे प्रसारण करणार आहे.हा सुंदर चित्रपट पडद्यावर जिवंत करणाऱ्या पीकेच्या टीमचा प्रवास बघू या.
‘पीके’ची सुरुवात
पीके ही व्यक्तिरेखा अशी होती, जी विनोदी होती पण सामाजिक टिप्पणी करणारीही होती. त्यामुळे या व्यक्तिरेखेचा लुक अगदी आगळावेगळा असणे गरजेचे होते. याविषयी आमीर खानशी बोलताना आपण किती भांबावलो होतो याचे स्मरण करत दिग्दर्शक राजकुमार हिरानी म्हणतात, “मी पहिल्यांदा आमीरकडे गेलो तेव्हा मी जरा चिंतेत होतो, की त्याची प्रतिक्रिया कशी असेल! पण, त्याने अजिबात प्रतिक्रिया दिली नाही. आणि मला समजले की आमीर ही भूमिका अगदी मनापासून करेल.” हिरानी पुढे म्हणतात, “आम्ही शूटिंग करण्याअगोदरच आमीरने मला विचारले की, या एलियनचे शरीर कसे असेल? मला वाटते, त्याच्या शरीरावर केस नसले पाहिजेत. त्यामुळे मी वॅक्सिंग करून घेईन.” आणि प्रत्येक दृश्याच्या अगोदर तो वॅक्स करत असे.
आमीर खानचा ‘पान’वाला लुक
‘पीके’मधल्या आमीर खानच्या पात्रात अनेक विचित्र गोष्टी होत्या. सगळ्यात ठळकपणे लक्षात येणारी गोष्ट म्हणजे तो सतत पान चघळत असतो. त्यामुळे पान खाऊन त्याचे ओठ सतत रंगलेले दिसतात. या लुकबद्दल आमीर खान म्हणतो, “इतकी पानं खाऊन मी जाम वैतागलो होतो. एका दिवसात मला ६० ते १०० पानं खावी लागत होती. प्रत्येक टेकच्या आधी मला पान खावे लागत असे. शेवटी शेवटी तर मला तोंडात फोड येऊ लागले होते.”
‘रंगीलो मेहमान’ पोशाख
एखाद्या चित्रपटात, त्यातल्या नायकासाठी बनवलेला कोणताही कॉस्च्युम नसेल, असे जर कोणी सांगितले, तर तुमचा विश्वास बसेल? होय, हे कितीही अशक्य, अविश्वसनीय वाटले, तरी आमच्या पीके म्हणजे आमीर खानच्या बाबतीत हेच झाले होते. आमीर खान म्हणतो, “चित्रपटात खास माझ्यासाठी असे कोणतेही कॉस्च्युम डिझाईन करण्यात आले नव्हते. टीम राजस्थानला गेली. कोणत्याही स्थानिक व्यक्तीचा पोशाख आवडला, की तो त्याच्याकडून मागून विकत घेतला जात असे किंवा तसाच नवीन पोशाख घेतला जात असे.” असे केल्यामुळे चित्रपटातला पीके अगदी अस्सल वाटला.
जगत जननी
पात्रांच्या नावांच्या बाबतीत राजकुमार हिरानीचे वेगळेपण नेहमीच उठून दिसले आहे. जगत जननी हे याचेच एक उदाहरण आहे. हे ‘पीके’मध्ये अनुष्का शर्माच्या पात्राचे नाव होते, जिला सर्व जण प्रेमाने जग्गू म्हणतात. अशा आगळ्यावेगळ्या नावांमुळे लोकांना ते पात्र लक्षात राहते. पण, त्या पात्राचा लुकदेखील नावाप्रमाणे वेगळा असणे गरजेचे असते. जग्गू अस्सल वाटावी यासाठी अनुष्काला अनेक लुक टेस्ट कराव्या लागल्या होत्या. त्याविषयी अनुष्का सांगते, “मला असे सांगण्यात आले होते की, लोक जेव्हा मला या चित्रपटात बघतील, तेव्हा त्यांना एक वेगळी अनुष्का दिसायला हवी. आणि मला वाटते, की एखाद्या अभिनेत्रीने आपली हेअरस्टाइल बदलली की तिचे वेगळेपण एकदम नजरेत भरते. आम्ही वेगवेगळे विग वापरुन पाहिले आणि शेवटी असा विग निवडला, ज्याच्यामुळे माझा लुक पार बदलून गेला.”
बघायला विसरू नका ‘पीके’ १९ डिसेंबर रोजी रात्री ८ वाजता फक्त सोनी मॅक्सवर!
