प्रसिद्ध हरियाणवी गायिका-डान्सर सपना चौधरीच्या वैयक्तिक आयुष्याशी संबंधित अशी बातमी आली आहे की, चाहत्यांना धक्का बसला आहे. ती दुसऱ्यांदा आई झाली आहे. तिने दुसऱ्यांदा मुलाला जन्म दिला आहे . ती पुन्हा आई झाल्याची बातमी चाहत्यांसाठी आश्चर्य आहे. ही बातमी ऐकून सर्वांना धक्का बसला आहे. सपना चौधरीने एवढी मोठी बातमी का लपवली हे समजू शकले नाही.
सपना चौधरीने दुस-यांदा आई झाल्याची बातमी अधिकृतपणे शेअर केलेली नाही. सोशल मीडियावर व्हायरल होत असलेल्या एका व्हिडीओतून हा खुलासा झाला आहे. एका कार्यक्रमादरम्यान गायक बब्बू मानने तिच्या दुसऱ्या मुलाचे नाव ठेवले. यानंतर, सपना चौधरीने दुसऱ्यांदा मुलाला जन्म दिल्याचे समोर आले, ज्याचा नामकरण सोहळा सपना 11 नोव्हेंबर 2024 रोजी झाला.
व्हायरल होत असलेल्या व्हिडिओमध्ये सपना चौधरीचा पती वीर साहू आणि पंजाबी गायक बब्बू मान स्टेजवर एकत्र दिसत आहेत. हा कार्यक्रम त्यांच्या दुसऱ्या मुलाच्या नामकरण सोहळ्याचा आहे, ज्यामध्ये हजारो लोकांची गर्दी दिसत आहे. पंजाब आणि हरियाणा इंडस्ट्रीतील अनेक सेलिब्रिटी नामकरण सोहळ्यात सहभागी होण्यासाठी आणि मुलाला आशीर्वाद देण्यासाठी आले होते. या कार्यक्रमात बब्बू मानने परफॉर्म केले.
या कार्यक्रमात सपनाचे पती वीर साहू यांनी घोषणा केली की त्यांच्या घरी आणखी एका मुलाचा जन्म झाला आहे. त्यानंतर बब्बू मान यांनी सांगितले की, वीर साहूने त्यांच्या दुसऱ्या मुलाचे नाव 'शाह वीर' ठेवले आहे. यानंतर तेथे उपस्थित सर्वांनी टाळ्या वाजवून सपना चौधरी आणि तिच्या पतीचे अभिनंदन केले.
सपना चौधरीने वीर साहूसोबत गुपचूप लग्न केले होते आणि लग्नाची बाब चाहत्यांपासून लपवून ठेवली होती. यानंतर तिने आपली पहिली गर्भधारणा देखील लपवली. त्यांना एक मुलगा झाला, त्याचे नाव त्यांनी 'पोरस' ठेवले. तिच्या दुसऱ्या मुलाच्या जन्मादरम्यानही तिने तिची गर्भधारणा गुप्त ठेवली होती. तिच्या दुस-या गर्भधारणेबद्दल कोणालाच काही माहीत नव्हते. तिच्या कोणत्याही इन्स्टा पोस्टमध्ये ती गर्भवती दिसत नाही. अशा परिस्थितीत तिच्या दुसऱ्यांदा आई झाल्याच्या बातमीने चाहते तर आनंदीच नाहीत तर आश्चर्यचकितही झाले आहेत.
