सोनाक्षी सिन्हा आणि झहीर इक्बाल यांचा विवाह २३ जूनला पार पडला. पण त्यांनी हीच तारीख का निवडली हे तुम्हाला माहिती आहे का? सात वर्षांपूर्वीच्या महत्त्वाच्या दिवसाशी त्याचा विशेष संबंध आहे. सोनाक्षी आणि झहीर इक्बाल यांनी 'डबल एक्सएल' या चित्रपटात एकत्र काम केले होते आणि तेव्हापासूनच त्यांच्या नात्याला सुरुवात झाली होती. पण सत्य हे आहे की याआधी दोघे अनेक वर्षे डेट करत होते, पण त्यांचे प्रेम आताच पूर्ण झाले आहे.
सोनाक्षी सिन्हा आणि झहीर इक्बाल यांनी त्यांच्या लग्नासाठी 23 जून ही तारीख निवडली कारण त्यांच्या नात्याला सात वर्षांपूर्वी 2017 मध्ये सुरुवात झाली होती. दोघेही पहिल्या नजरेतच एकमेकांच्या प्रेमात पडले आणि त्यांनी एकमेकांना आपला जीवनसाथी बनवण्याचा निर्णय घेतला. एका पोस्टमध्ये, सोनाक्षी आणि झहीरने लग्नाची तारीख म्हणून 23 जून निवडण्याचे कारण स्पष्ट केले आणि लग्नाचे फोटो देखील शेअर केले.
सोनाक्षी आणि झहीरने त्यांच्या इंस्टाग्राम अकाऊंटवर लिहिले की, 'सात वर्षांपूर्वी 23.06.2017 या दिवशी आम्ही एकमेकांच्या डोळ्यात प्रेमाचे शुद्ध रूप पाहिले आणि ठरवले की आम्ही ते सुरक्षित ठेवू. आज त्याच प्रेमाने सर्व आव्हानांवर मात करण्याची हिंमत दिली आणि मार्ग दाखवला. आमच्या दोन्ही कुटुंबांच्या आणि दोन्ही देवांच्या आशीर्वादाने आम्ही आता पती-पत्नी आहोत.
पण हे नाते लग्नाच्या शेवटापर्यंत नेण्यासाठी झहीर आणि सोनाक्षीला अनेक अडचणींचा सामना करावा लागला. रिपोर्ट्सनुसार, सोनाक्षीचे आई-वडील आणि दोन्ही भाऊ या इंटरकास्ट मॅरेजसाठी तयार नव्हते. दरम्यान, सिन्हा कुटुंबीय या लग्नाला उपस्थित राहणार नसल्याच्या बातम्याही आल्या होत्या.
मात्र शत्रुघ्न सिन्हा यांनी एका मुलाखतीत आपल्या मुलीच्या आनंदातच आपला आनंद असल्याचे म्हटले होते. शत्रुघ्न सिन्हा म्हणाले होते की, लग्नाबाबत प्रत्येक घरात भांडणे होत असतात, मात्र जो तणाव होता तो संपला आहे.
