उपवासी इडली

साहित्य : 1 वाटी साबुदाणा, 1 वाटी वरई तांदूळ, 3 चमचे लोणी, 1 चमचा जिरे, स्वादानुसार मीठ.
कृती : साबुदाणा व वरई तांदूळ तीन तासांकरिता वेगवेगळे पाण्यात भिजवून ठेवा. नंतर चाळणीवर निथळून घ्या. दोन्ही एकत्रितपणे मिक्सरमधून बारीक वाटून घ्या.
या पिठात जिरे, मीठ व थोडे पाणी घालून एकजीव करा. इडलीप्रमाणे पीठ तयार करा. इडली पात्राला तेल लावून त्यात हे पीठ घाला. कुकरमध्ये साधारण 10 मिनिटांसाठी वाफवा. गरमागरम इडली आमसुली वा चिंचुकीच्या चटणीसोबत सर्व्ह करा.