लिंक्‍डइन (LinkedIn) या जगातील सर्वात मोठ्या प्रोफेशनल नेटवर्कने स्किल्‍स ऑन द राइज २०२५ लिस्‍ट लाँच केली आहे, ज्‍यामधून १५ कौशल्ये निदर्शनास येतात, जी प्रोफेशनल्‍सनी कामाच्‍या ठिकाणी पुढे राहण्‍यासाठी आत्‍मसात करणे गरजेचे आहे. भारतातील कंपन्‍या हायरिंग करताना प्राधान्‍य देणारी अव्‍वल ५ झपाट्याने विकसित होणारी कौशल्ये आहेत, सर्जनशीलता व नाविन्‍यता (#1), कोड पुनरावलोकन (#2), समस्‍या निवारण (#3), प्री-स्क्रिनिंग (#4) आणि धोरणात्‍मक विचारसरणी (#5).
भारतातील बहुतांश रोजगारांमध्‍ये वापरण्‍यात येणाऱ्या ६४ टक्‍के कौशल्‍यांमध्‍ये २०३० पर्यंत बदल होण्‍याची अपेक्षा असताना लिंक्‍डइन संशोधनामधून निदर्शनास येते की, २५ टक्‍के प्रोफेशनल्‍स भविष्‍यासाठी आवश्‍यक असलेली कौशल्ये नसल्‍याबाबत चिंता करतात. मुंबईतील १० पैकी जवळपास ४ (४५ टक्‍के) प्रोफेशनल्‍सना ते रोजगारासाठी योग्‍य असल्‍याचे निर्धारित करणे आव्‍हानात्‍मक जाते. २८ टक्‍के प्रोफेशनल्‍सना त्‍यांची कोणती कौशल्ये रोजगारासाठी अनुकूल आहेत, पूर्वीपेक्षा कोणत्‍या कौशल्‍यांना अधिक मागणी आहे हे माहित नाही. दुसरीकडे, भारतातील ६९ टक्‍के रिक्रूटर्स प्रोफेशनल्‍समध्‍ये असलेली कौशल्ये आणि कंपन्‍यांना आवश्‍यक असलेली कौशल्ये यामध्‍ये तफावत असल्‍याचे सांगतात.
लिंक्‍डइनच्‍या करिअर एक्‍स्‍पर्ट आणि भारतातील वरिष्‍ठ व्‍यवस्‍थापकीय संपादक निरजिता बॅनर्जी (Nirajita Banerjee, LinkedIn Career Expert and India Senior Managing Editor) म्‍हणाल्‍या, ''इंडिया इन्‍क.मध्‍ये मुलभूम कौशल्ये बदल दिसून येत आहेत. एआय आपल्‍या काम करण्‍याच्‍या पद्धतीमध्‍ये बदल करत असताना सर्जनशीलता, समस्‍या निवारण व धोरणात्‍मक विचारसरणी यांसारखी सॉफ्ट कौशल्ये 'आत्‍मसात असणे' गरजेची असण्‍यासोबत व्‍यवसायासाठी महत्त्वाची बनली आहेत. यासोबत, एआय साक्षरता सर्व रोजगार कार्यांसाठी मुलभूत अपेक्षा बनत आहे. नियोक्‍ते देखील ग्राहक सहभाग आणि भागधारक व्‍यवस्‍थापन वाढवत आहेत, ज्‍यामुळे व्‍यवसाय क्षमता पूर्वीपेक्षा अधिक बहुमूल्‍य बनली आहे. यंदाची स्किल्‍स ऑन द राइज लिस्‍ट प्रोफेशनल्‍ससाठी आवश्‍यक संसाधन आहे, ज्‍यामुळे त्यांना २०२५ मध्‍ये कंपन्‍या हायरिंगच्‍या वेळी प्राधान्‍य देत असलेली कौशल्ये ओळखण्‍यास आणि अवगत करण्‍यास मदत होईल.''
सॉफ्ट स्किल्‍सला अधिक प्राधान्‍य
एआय कामांना स्‍वयंचलित करत असताना प्रोफेशनल्‍सना वरचढ ठरवणारी कौशल्ये मोठ्या प्रमाणात मानवी बनत आहेत. आर्टस् अँड डिझाइन व मार्केटिंग यांसारख्‍या समकालीन सर्जनशील क्षेत्रांमध्‍ये, तसेच व्‍यवसाय विकास व शिक्षणामध्‍ये देखील सर्जनशीलता व नाविन्‍यता (#1), समस्‍या निवारण (#3) आणि धोरणात्‍मक विचारसरणी (#5) या कौशल्‍यांसाठी मागणी वाढत आहे. त्‍याचप्रमाणे, सेल्‍स व एचआर यांसारख्‍या कर्मचारी-केंद्रित पदांव्‍यतिरिक्‍त कम्‍युनिकेशन कौशल्‍य आवश्‍यक बनले आहे, ज्‍याला आयटी, कन्‍सल्टिंग आणि फायनान्‍समध्‍ये प्राधान्‍य दिले जात आहे.
रोजगार कार्यांमध्‍ये एआय साक्षरता मुलभूत अपेक्षा आहे
आजच्‍या कामाच्‍या लँडस्‍केपमध्‍ये एआयसह काम करण्‍याची क्षमता महत्त्वाची बनली आहे. भारतातील ९५ टक्‍के सी-सूट प्रमुख समकालीन अनुभवाच्‍या तुलनेत एआय स्किल्‍सना प्राधान्‍य देत आहेत. लार्ज लँग्‍वेज मॉडेल्‍स (एलएलएम) (#8), एआय साक्षरता (#9) आणि प्रॉम्‍प्‍ट इंजीनिअरिंग (#13) कौशल्ये रोजगार अर्जदारांसाठी प्रमुख डिफरेन्शिएटर्स ठरत आहेत. पारंपारिकरित्‍या ही कौशल्ये आयटीशी संलग्‍न असली तरी शिक्षण व मार्केटिंगमधील त्‍यांच्‍या वाढत्‍या प्रासंगिकतेमधून रोजगार कार्यांमध्‍ये एआय व टेक फ्लूइन्‍सीची वाढती भूमिका दिसून येते.
इंडिया इन्‍क.मध्‍ये ग्राहक सहभाग कौशल्‍यांना अधिक मागणी
कंपन्‍या व्‍यवसाय विकासावर अधिक लक्ष केंद्रित करत असताना प्रबळ ग्राहक संबंधाला अधिक प्राधान्‍य दिले जात आहे. ग्राहक सहभाग (#11) महत्त्वपूर्ण कौशल्‍य आहे, जेथे सेल्‍स, बिझनेस डेव्‍हलपमेंट आणि मार्केटिंग कार्यांमध्‍ये ग्राहक समाधानावर अधिक भर दिला जात आहे. व्‍यवसायांना कायमस्वरूपी ग्राहक संबंध आणि निष्‍ठा निर्माण करण्‍यास मदत करू शकणाऱ्या प्रोफेशनल्‍सना फायदा होईल.
मुंबईतील बहुतांश प्रोफेशनल्‍स २०२५ मध्‍ये नवीन रोजगारांचा शोध घेत आहेत
लिंक्‍डइनच्‍या नवीन संशोधनानुसार, मुंबईतील ८२ टक्‍के प्रोफेशनल्‍स या वर्षात नवीन रोजगाराचा शोध घेत आहेत. पण, शहरातील ४६ टक्‍के प्रोफेशनल्‍स म्‍हणतात की ते अधिक रोजगारांसाठी अर्ज करत आहेत, पण त्‍यासंदर्भात प्रतिक्रिया कमी मिळत आहे. प्रोफेशनल्‍सना योग्‍य संधींसंदर्भात मार्गदर्शन करण्‍यासाठी लिंक्‍डइनने आपल्‍या वार्षिक जॉब्‍स ऑन द राइज लिस्‍टचे अनावरण केले आहे, ज्‍यामधून गेल्‍या तीन वर्षांमध्‍ये झपाट्याने वाढत असलेल्‍या रोजगारांबाबत माहिती मिळते.
या वर्षातील भारतामधील टॉप १५ स्किल्‍स ऑन द राइज:
- सर्जनशीलता आणि नाविन्‍यता
- कोड पुनरावलोकन
- समस्‍या निवारण
- प्री-स्क्रिनिंग
- धोरणात्‍मक विचारसरणी
- कम्‍युनिकेशन
- अनुकूलला (जुळवून घेण्‍याची क्षमता)
- लार्ज लँग्‍वेज मॉडेल्‍स (एलएलएएम)
- एआय साक्षरता
- डिबगिंग
- ग्राहक सहभाग
- सांख्यिकीय डेटा विश्‍लेषण
- प्रॉम्‍प्‍ट इंजीनिअरिंग
- मार्केट विश्‍लेषण
- भागधारक व्‍यवस्‍थापन
मुंबईतील जॉब्‍स ऑन द राइजची संपूर्ण लिस्‍ट:
- इलेक्ट्रिकल डिझाइनर
- ट्रॅव्‍हल एक्झिक्‍युटिव्‍ह
- कॉन्‍फरन्‍स प्रॉड्युसर
- हेड ऑफ इंटर्नल ऑडिट
- कॉन्‍ट्रॅक्‍ट स्‍पेशालिस्‍ट
- क्रिएटिव्‍ह स्‍ट्रॅटेजिस्‍ट
- मेकॅनिकल इंजीनिअरिंग मॅनेजर
- क्‍लोजिंग मॅनेजर
- व्हिडिओग्राफर
- गेस्‍ट रिलेशन्‍स मॅनेजर
लिंक्‍डइनच्‍या करिअर एक्‍स्‍पर्ट निरजिता बॅनर्जी प्रोफेशनल्‍सना नवीन संधी अनलॉक करण्‍यास मदत करण्‍यासाठी टिप्‍स सांगत आहेत:
● तुम्‍हाला शिकण्‍यास मिळणारी कौशल्ये अवगत करा: विविध कौशल्ये आत्‍मसात करण्‍यासाठी तुमच्या जॉब हिस्‍ट्रीचे पुनरावलोकन करा. व्‍हॉल्‍यून्टिअरिंग, स्‍पोर्टस् क्‍लब्‍स यांसह इतर अनुभवांमधून मिळालेल्‍या कौशल्‍यांचा विचार करण्‍यास विसरू नका, यामुळे तुम्‍ही केलेल्‍या विचारापेक्षा अधिक कौशल्ये आत्‍मसात होतील. तसेच, यामुळे तुम्‍हाला रोजगार शोधताना तुमचे आयडी स्किल्‍स दाखवण्‍यास मदत होईल आणि भविष्‍यात आत्‍मसात करण्‍याची गरज असलेली कौशल्ये ओळखण्‍यास मदत होऊ शकते.
● तुमची सॉफ्ट स्किल्‍स दाखवा: अनेक रोजगारांसाठी टेक्निकल कौशल्ये आवश्‍यक असली तरी कम्‍युनिकेशन व अनुकूलता (जुळवून घेण्‍याची क्षमता) यांसारख्‍या कौशल्‍यांना मागणी आहे आणि पदे व उद्योगांमध्‍ये अधिक प्राधान्‍य दिले जात आहे. ही कौशल्ये नियोक्‍त्‍यांसाठी महत्त्वाची आहेत, ज्‍यामुळे तुमच्‍यामध्‍ये असलेली ही कौशल्ये लपवून ठेवू नका. पाच किंवा त्याहून अधिक कौशल्ये सूचीबद्ध करणारे सदस्य रिक्रूटर्सकडून ५.६ पट जास्त प्रोफाइल व्ह्यूज आणि रिक्रूटर इनमेल्सकडून २४ पट जास्त प्रोफाइल व्ह्यूज मिळवतात, तसेच त्यांना कनेक्शन रिक्‍वेस्ट मिळण्याची शक्यता २.९ पट जास्त असते. तुमच्या प्रोफाइलमध्ये तुमच्‍यामध्‍ये असलेल्‍या कौशल्‍यांची भर करण्‍याची खात्री घ्‍या आणि तुमच्या कौशल्यांनी किती प्रभाव पाडला आहे हे दाखवणारा संदर्भ समाविष्‍ट करा.
● स्किल सर्फिंग करत विकास करा: विकासाच्‍या क्षेत्रांबाबत जाणून घ्‍या, शक्‍यतो कौशल्ये ओळखा, जी जॉब डिस्क्रिप्‍शनमध्‍ये सांगितल्‍यानुसार विशिष्‍ट रोजगारासाठी तुमच्‍यामध्‍ये नाहीत. त्‍यानंतर तुम्‍ही कंपनीच्‍या सातत्‍यपूर्ण माहितीयुक्‍त ऑफरिंग्‍ज तपासू शकता किंवा तुमच्या विद्यमान पदामधील बढतीबाबत विचारू शकता. लिंक्‍डइन लर्निंगकडून ऑफर करण्‍यात येणारे ऑनलाइन कोर्सेस् घ्‍या किंवा स्‍थानिक क्‍लब किंवा कंपनीसाठी स्‍वयंसेवकाची भूमिका घ्‍या. नवीन गोष्‍टी करण्‍यास घाबरू नका आणि तुमच्या कम्‍फर्ट झोनमधून बाहेर पडा. यासह तुम्‍ही अधिकाधिक कौशल्ये आत्‍मसात करू शकता.
प्रोफेशनल्‍सना साह्य करण्‍यासाठी लिंक्‍डइन लर्निंग मोफत कोर्सेस् देत आहे, ज्‍यामुळे त्यांना ही आवश्‍यक कौशल्ये अवगत करण्‍यास मदत होईल. तसेच, लिंक्‍डइनचे नवीन एआय-पॉवर्ड कोचिंग वैशिष्‍ट्य (new AI-powered coaching feature) लर्नर्सना वास्‍तविक कामाच्‍या ठिकाणी होणारे संवाद जसे कामगिरीचे पुनरावलोकन व अभिप्रायाबाबत चर्चा यासंदर्भात मजकूर किंवा आवाजाचा उपयोग करत सराव करण्‍यास सक्षम करते. याव्‍यतिरिक्‍त आत्‍मविश्‍वास निर्माण करण्‍यासाठी वैयक्तिकृत अभिप्राय देखील देते.
